Minsan ko silang pinangarap at nakapiling

Naging parte sila ng aking kabataan.

Isang kaligayahan sa aking puso at isipan dahil nagkaroon ako ng pagkakataon na makapiling ko sila.

Sikat na sikat sila noong araw…pinagkakaguluhan…at pinag-iipunan ng salapi makapiling lamang.

Ngunit sa pagdaan ng panahon ay nakalimutan na sila. Madalas ay makikita ko na lamang sila sa tabi-tabi na lamang, napabayaan na. Busabos na at nasa basurahan kadalasan. Hindi na sila pinapansin ngayon.

Hindi ko nasabi sa kanila ang aking pagmamahal dahil minsan sa aking buhay ay nakapagbigay ng hindi maipaliwanag sila ng kaligayahan.

Sila lamang ang aking naging isang bisyo na tunay kong minahal at hanggang ngayon ay di makalimutan.

Kaya naririto ako muli upang sariwain ang aking nakaraan sa piling nila.

Naalala ko pa ang lahat na nagsimula sa pasilip-silip lamang sa eskaparate sa kalye ng Raon, sa Sta. Cruz Manila. Maingay ang mga tindahan dito at parang nanawag na bilhin mo na ako. Sa kalye Raon lamang noon mabibili ang mga ganitong bagay sa Maynila. Sapatos pa lamang ang paninda ng ShoeMart noong una akong nagawi sa kalye ng Raon.

Pabalik-balik bawat araw habang binibilang sa isipan kung kakasya na ang naipon na pera.

Maaring hindi na ninyo sila nakita o nakilala man lamang kaya andito ako na muling binubuhay sila sa aking isipan upang ipakilala sila isa-isa dahil maaring minsan ay pinangarap at dumaan din sila sa inyong buhay.

Hi-Tech Na Si Lolo

Binalikan ko ang nauna kong sinulat sa Blog ni Lolo. Na ang purpose ko pala ay magturo ng kompyuter sa mga Lolo at Lola sa salitang Tagalog o Taglish.

Napakarami naman na gabay sa pagtuturo ng kompyuter sa mundo ng internet kaya lang ang mga ito ay nasusulat sa wikang banyaga…sa English.

At noong nakita ko ang video na ito ay naisipan ko na ituloy na ang aking balakin ng pagtuturo sa pamamagitan ng isa pang blog.

Paghahanda

Kabi-kabila ang mga likas at gawa ng tao na mga kalamidad na nangyari sa iba’t-ibang parte ng daigdig. Salamat na lang kung nasa mabuti tayong kalagayan sa ngayon. Ngunit maaaring dumating ang isang kalamidad o kagipitan(emergency) nang walang pasabi na nangangailangan ng isang aksyon na may paghahanda.

Kadalasan ay napakabilis ng mga pangyayari na ilang segundo o minuto lang ang hinihingi upang magawa ang dapat gawin. Ang laging kong paalala sa aking mga mahal sa buhay kung sakaling nalalagay sa isang emergency ay isipin muna kaligtasan ng sarili lalo na kung nasa ibang lugar. Na kalmahin muna(ng mabilisan) ang sarili sa mga panahon ng emergency upang maging maayos ang mga desisyon at aksyon. At kung may panahon pang tumulong sa iba ay gawain ng maayos lalo na para sa matatanda at bata.

Kung may pagkakataon naman at may panahon pa upang makalayo at makalikas sa kinalalagyan lalo na kung nasa tahanan o bahay ay dito makakatulong ang mga paghahanda. Kasi kadalasan dahil sa malawak na epekto ng kalamidad ay maaring maging matagal dumating ang tulong. Kaya kailangang gumawa ng paghahanda

Ang sabi nga nung bata pa ay laging handa…parang boy scout. At natatandaan ko pa ang ilang natutunan nung naging miyembro ako ng Fire Brigade dun sa dating kong pinatrabahuhan. Ang isang di kinakalimutan sa aking natutunan ay kung pumapasok ako sa isang establismento o gusali(building) ay inaalam ko agad kung saan ang mga Fire Exits. Malaking tulong na maging may kamalayan sa paligid lalo na kung may mangyayaring kagipitan o emergency. Isa lang ito pero maaring makapagligtas ito ng sarili at ibang buhay.

Nabalitaan ko nga yung isang pamilya na nasunog sa kanilang bahay sa Quezon City. Naaalala ko nuon na naggagawa ko ng fire drill nuon sa aming bahay(kahit maliit lang bahay namin). Kung paano lalabas sa bahay. Madalas kasi sa kabiglaanan ay di alam ang gagawin. Isang paalala ito na puwedeng makapagligtas ng buhay lalo ng mga mahal sa buhay.

Dahil naandito kami sa lugar na puwedeng bisitahin ng mga lindol ay ganap na paghahanda ang kinakailangan. Unang taon ko pa lamang dito ay natutunan ko na ang maghanda para sa isang emergency. Ang aking mga suhestiyon ay puwede rin kapulutan ng iba upang magkaroon ng sariling paghahanda.

Mga bagay-bagay o items na inilagay namin sa isang lugar(sa labas ng bahay) na tinatawag namin na Basic Emergency Supply Kit.

Ang nilalaman ng Basic Emergency Supply Kit ay ang mga sumusunod:

1. Tubig, isang galon bawat tao bawat araw na puwedeng tumagal ng tatlong araw. May tubig din kami sa mga drums para sa sariling kalinisan.

2. Mga delatang pagkain, na tatagal sa loob ng tatlong araw. Kailangan dito ang can opener.

3. Radyo, iyong de baterya. Upang malaman ang mga pangyayari sa kapaligiran

4. Flashlights, na may pasobrang baterya.

5. First Aid Kit at tools na puwedeng gamitin na pampihit(para isara) katulad ng sa gas.

6. Mga ilang makakapal na damit(lalo na kung nasa malamig na lugar). Mga pampalit na mga damit.

7. Tents, kailangan lalo na kung nasira o delikado ang bumalik sa bahay.

8. Kandila at posporo(matches) na nakabalot sa plastic upang di mabasa.

 

Dagdag na paalala:

1. Palagiang ayusin ang mga importateng papeles na nasa isang laglagyan at lugar. Na puwede kaagad bitbitin sa panahon ng emergency. Ipaalam din ito sa mga kasamahan sa bahay.

2. Mga gamot na madalas na ginagamit. At kung gumagamit ng salamin(eyeglasses) ito ay mahalaga lalo na ang mga pambasang salamin(reading glass).

3. Kung may baby pa na kasama sa bahay. Ipaghanda ang ilang gamit o pagkain na kakailangin para sa ilang araw.

 

Sa susunod ngang mga araw ay muli naming titingnan ang kalagayan ng aming Basic Emergency Supply Kit. Maaaring palitan namin ang stock na tubig dahil matagal na iyon at maaring iba na ang lasa dahil nakalagay sa plastic. Titingnan din ang kalagayan ng mga delatang pagkain.

Ilan lang ito sa aming paghahanda. Kung may naisip ka  rin kaibigan ay baka puwede rin na maibahagi.

Kung di ka pa nakapaghanda ay baka puwede na rin mag-isip na babagay na paghahanda na babagay sa iyong kinalalagyan.

Ang sabi mga madalas ay “The Life You Save Maybe You Own.” Mas maganda kung kasama rin mailigtas ang iba. Huwag na sanang maghintay na iba pa ang kumilos. Kung kailangang paalalahanan ang buong pamilya ay malamang di naman ito makakasama upang maging handa.

 

 

 

Pisbuk

Madalas kasi ganito ang nababasa ko sa info ng mga babaeng nasa Facebook.

Pero pag ganito ang nabasa sa info ng isang babae  sa Facebook…ano ba ang ibig sabihin? o dapat isipin?

Wala sanang magalit…nagtatanong lang po. Salamat!

From Life’s Little Instruction Book

Jackson Brown originally wrote Life’s Little Instruction book as a gift for his son who was leaving home to begin his freshman year in college. Brown says, “I read years ago that it was not the responsibility of parents to pave the road for their children but to provide a road map, and I wanted to provide him with what I had learned about living a happy and rewarding life.” Life’s Little Instruction Book is a guidebook that gently points the way to happiness and fulfillment. The observations are direct, simple, and as practical as an umbrella.

“Most of us already know how to live a successful and purposeful life,” says Brown. “We know we should be more understanding and thoughtful, more responsible, courageous and appreciative. It’s just that we sometimes need reminding.”

Here are excerpts from the book.

1. Love deeply and passionately.  You might get hurt, but it’s the only way to live life completely.

2. When you get really angry, stick your hands in your pockets.

3. Accept the fact that regardless of how many times you’re right, you will sometimes be wrong.

4. Remember the 3 Rs: Respect for self; Respect for others; Responsibility for all your actions.

5. Write a short note inside the front cover when giving a book as a gift.

6. Don’t think expensive equipment will make up for a lack of talent or practice.

7. Life will sometimes hand you a magical moment.  Savor it.

8. Marry a woman you love to talk to.  As you get older, her conversational skills will be as important as any other.

9. Live a good, honorable life.  Then when you get older and think back, you’ll get to enjoy it a second time.

10. Never say anything uncomplimentary about your wife or children in the presence of others.

11. In disagreements with loved ones, deal with the current situation.  Don’t bring up the past.

12. Share your knowledge.  It’s a way to achieve immortality.

13. Remember that great love and great achievements involve great risk.

14. Apologize immediately when you lose your temper, especially to children.

15. Don’t confuse comfort with happiness.

16. Check for toilet paper before sitting down.

17.When you are totally exhausted but have to keep going, wash your face and hands and put on clean socks and a clean shirt.  You will feel remarkably refreshed.

18. Remember that nothing important ever happens until someone takes a chance.

19. Hire people more for their judgment than for their talents.

20. Don’t outlive your money.

Virtual Barber Shop

Kanina ko lang na-experience ito.

Dun sa mga hindi pa na-try ito, please do try. Para ma- experience the amazing God’s gift of hearing to us.

To enjoy…Close your eyes or gawa ng blind fold sa mga mata at gumamit ng headphones/earphones. Adjust your volume to correct level.

Bigla ko tuloy naalala yung nabasa kong book about the process na nangyayari sa sa akala nating na napaka-simpleng function ng ating mga tenga. Ito pala ay napakaraming proseso ang nangyayari sa ating utak.

Salamat Lord sa Gift of hearing.

So naito ang video from youtube channel. Thank you chunkster999 of youtube for posting.

CREDITS: Finally the origin of the embedded audio clip has been found. This amazing audio clip was created by QSound Labs ( http://www.qsound.com ) as a demonstration of Binaural audio technology.

See wikipedia for more information about binaural recordings.

ENJOY!

Fake virus alerts

Tutal napapag-usapan ang tungkol sa security.

Gusto kong i-share itong one-month old na na-experience ko sa laptop namin.

Kung sakali na makalusot din itong virus  sa inyong computer ay alam ninyo ang gagawin at kung paano siya tatanggalin.

Dahil ang dami nga pong virus na ginagaya ang tunay na mukha ng mga ligitimate na screen o display. Medyo sana mabilis tayong makiramdam na kung itong pop-up na display ay totoo ba o fake?

Ganito yung unang mukha ng lumabas na fake virus alert

Tapos susundan ng mukhang ganitong display, yung may mga sinasabi na maraming siyang nakitang virus.

Sa unang tingin ay parang totoo, pero tingnan mabuti at huwag pipindut ng kung ano man sa loob ng fake na display. Kung maki-click ang close button ay mabuti, ngunit yung pumasok sa akin ay hindi, at dahan-dahan ng bumabagal ang computer.  Kasi kung maisasara siya, puwede pang magpatakbo ng antivirus/anti-malware/anti-spyware…mag-scan tapos siyempre i-delete. Pero matindi yung nakapasok dahil hindi na mapagbukas ng kahit anong program. Halos nakatigil na ang computer…sobrang bagal na.

Ang una kong naisip ay magtanong kay Mr. Google(ayan ang term namin nuon sa opis na kapag may kakaibang problema ay i-search agad sa Google).

Yung nga isinulat ko ang description ng aking nakikita sa display at dami palang ganito na nangyayari sa mga computer. Kaya lang ang dami nilang mga suggestions at mga solutions. Marami po mga suggestions sa mga forums tungkol sa ganitong problema pero ingat din po at kailangan din maintindihang mabuti kasi gawin lang yung kayang gawin dahil delikado rin po kung di sigurado o reasonable ang ipinagagawa. Dahil wala naman akong mapapagtanungan…eh pumili na lang ako ng isang suggestion na solution na di delikado at hawig na hawig sa aking problema. Kailangan ding makita sa mga forum kung successful ang ginawa na solution.

Ito ang aking solution na ginawa na mula din sa mga trusted blogs and websites.

–Dahil nga no-choice na ko kasi yung program na pang-scan ng virus ay ayaw ng tumakbo dahil sa tindi ng virus na pumasok.

–Kailangan ng i-restart, then pindot sa F8 para sa Safe Mode ay hindi na tatakbo ang ilang programs. Kailangan magawa ang System Restore. Ang idea kasi dito ay maibalik sa maganda at malinis na computer data at ito ay iyong nakaraang araw o mga araw.

Naito ang definition ng System Restore:

A Windows utility allowing a user to restore their computer data to a specific former state, or restore point, undoing changes made since that time. System Restore periodically creates automatic restore points to protect data from unexpected problems.

Kaya ang ginawa ko ay ibalik ng isang araw, kasi sigurado naman ako na one-day before ay wala namang ganitong problema. Ayun nga naibalik na sa malinis…sa walang ng pop-up na fake virus alerts.

Pero para sigurado ay nagpatakbo na ako ng panglinis pa rin ng virus ang Malwarebyte’s Anti-Malware.

Simula naman nuon ay hindi na bumalik ang fake na virus alert.

Ganito ang mukha ng legitimate microsoft security center.

Kayo po ang nakaka-alam sa mga dapat gawin sa inyong computer. Marami po paraan para malaman ang problema at solusyon. Ang akin pong experience ay maaring di katulad ng inyong problema. Kung di sigurado…Magbasa o magtanong muna bago gumalaw sa computer.

Kung gagawa po kayo ng System Restore…magbasa po sa mga trusted websites.

Kung may napansin po kayo na mali, ay ipaki-tama lang po.

Nais ko lang po makatulong sa iba.

Paano ingatan ang email account – 1

Paano nga ba iingatan ang email account natin?

How to protect you email accounts?

Ang daming ganitong articles sa Internet kaya lang ako man simula ng gumamit ako ng aking email ay tiwalang-tiwala naman ako na kayang protektahan ito ng provider ng account at ng kung anu-anung anti-spam at anti-virus sa loob ng computer.

Pero yun nga kung iisipin natin na parang bahay natin ang email na may mahahalagang bagay sa loob ay talagang gagawa tayo ng paraan para bigyan pansin na pahalagahan ang seguridad ng ating email account.

Sabi nga ng iba kahit sobrang tibay na ng mga seguridad sa bahay at may maiiwang isang pinto o bintana na bukas ay talagang makakasingit ang magnanakaw…ganun din ang paggamit ng email, may mga seguridad ito sa paggamit at sa gumagamit.

Kaya nga nang nauso ang mga virus…kapag nasa loob na siya ng inyong bahay o email ay dun na siya magsisimulang gumawa ng di maganda sa loob ng computer na madalas sa email siya nakakadaan o sa mga galing sa pinupuntahang website sa Internet.

Mga basics lang itong tips ko at maaring marami nang nakakaalam…pero para rin ito kay Tatang at Nanang…kay Lolo at Lola…

Kung ang mga sulat sa Post Office ay nabubuksan para makuha ang mga perang nakasingit ay halos ganito rin ang balak ng mga nagbubukas ng email na walang pahintulot…may mga nais silang makita sa loob ng mga email…puwede ito mga account sa bangko, PIN number ng mga ATM card…

Ang mga tips ko ay napulot ko rin sa pagbabasa ko sa Internet at ito rin ay sa aking sariling paggamit ng email at Internet.

Sigurado ako lahat ng makakabasa nito ay may email account.  Ito na talaga ang in-na-in sa lahat ng tao maliban sa cell phone.

Sa ngayon ang sabi nila sa Internet ang pinaka-safe daw na email account ay ang mula sa Gmail. Pero dahil sa nauna ang Yahoo, yun nga napakarami ng may Yahoo email account.

May nabasa ako sa Internet na ang suggestion niya ay dalawa hanggang tatlong email accounts.

Yung isa ay puwedeng yun ang primary na email account…na kung saan ito ay gagamitin sa mga importanteng bagay…pagsulat sa pamilya/kamag-anak/kaibigan(trusted friends), paggamit sa mga bank/credit card accounts, mga transaction sa business at pang-apply sa trabaho. Nasabi ko na primary email ito kasi malamang yung email username dito ay may initial, first name, or surname ng may ari kasi mas pormal ito kaysa mga username na di maintindihan. Ito yung mga email address na inilalagay sa mga calling card.

Yung pangalawang email account, ito naman ang puwedeng pambigay sa mga nakikita sa mga website or sa mga social networking na website. Puwede itong email na walang mga mahahalagang transactions. Kasi kapag naka-expose ang email, dito na po papasok na ang mga spammers(mga gumagawa ng spam). Ipapaliwanag ko ang spam sa susunod po.

And siguro ang pangatlong email account ay para naman sa mga may blog…siguro puwede rin ang 2nd email account.

Siyempre kung may email address, siguradong may password. Sa dalawang ito ang pinakamahalaga ay ang password…ito ang susi sa pinto ng iyong bahay o susi para mabuksan ang email account kahit saan lupalop ka ng daigdig na may koneksyon sa Internet naandoon…yung nga mga Astronaut  sa buwan ay nagagamit  ang account nila sa Twitter. Kung password ang susi mas maganda ay talagang maging mahirap ito na makuha o mahulaan ng iba. Ang isang example dito ay kay Senator Palin ng US na kaylan lang ay nabuksan ng iba ang kanyang email…kasi gumamit siya ng mga words at numbers na related sa kanyang buhay.

Ang sabi nga unang-una ay huwag kayong gagamit ng word na nasa dictionary. At kung pinapayagan ng email provider ang special character ay ihalo ito kapag gumawa ng password. Medyo habaan na ninyo ang password kung 12 characters ang allowed ay i-maximize na ninyo( or kung mahirap mag-memorize siguro puwede na ang 8 characters ang minimum). Basta haluan ito ng mga letters(kung allowed haluan ng capital letters) and numbers. Sana huwag yung numbers na related sa iyo…ang halimbawa dito ay zip code, birth month and birth date in numbers…

Kung maaari ay magpalit ng password every 90 days. Kung Yahoo account kayo ay nasa My Account ito.

Yung mga secret questions para sa email account kung maari ay gumawa ng sariling tanong at yung sagot na medyo ikaw lang nakakaalam o mahirap hulaan. Puwede ring ang sagot ay sagot na hindi matino…basta may sagot na ikaw lang ang nakakaalam…kailangan kasi ito kapag nagkaproblema ang email account.

Yung sa Yahoo Mail options…mas maganda kung naka-ON ang SPAM guard…i check lang ang Automatically send suspected  spam to my spam folder. Sa akin ay naka select din ang Show images only from my contacts.

Ano nga ba ang SPAM? Ito ba yung masarap na palaman sa breakfast?…hehe. Ito po yung sangdamakmak na mga messages na pumapasok sa inyong email…wala po itong paki-alam sa may ari ng email…basta papasok siya un-invited sa iyong messages. Hindi po galing sa mga legitimate na kompanya ang mga messages ng email spams.

Pag-aralan nating mabuti ang ating bakuran…ang ating email account, may mga features ito na puwedeng madepensahan ang puwedeng mangulit sa email account.

Mabilisang notes po muna(ipapaliwanag ko po sa susunod kung bakit):

1. Kung may napansin na kakaibang email message…na di kilala…kung maari ay wag ng buksan…i-delete o i-tag na spam.

2. Kung hindi sinasadyang nabuksan ang isang spam message…i-delete na agad at huwag sagutin ang UNSUBSCRIBE..kasi madalas ito ang nangunguha ng details ng email address na gagamitin ng spammers.

3. Iwasan po ang sumama sa agos…lalo na ang mga email message na nagsasabing mamalasin kapag hindi nag-forward sa sampu o 12 na tao. Pag-aralan mabuti ang email message…puwede dito rin dumaan ang mga nangunguha ng email address para sa mga spam messages.

- – - ang tama po kasing pag-forward ng email messages ay ang burahin ang mga address ng pinanggalingan(lalo na yung mga messages na hindi kailangang makita ang pinanggalingan ng message)

4. Kung magpapadala po tayo ng email sa mga di magkakakilalang tao, gamitin po ang BCC(Blind Carbon Copy)…wag po ang CC(dito po bumabasa ang mga spammers ng mga email address)…at dun sa TO..dito ilagay ang email ng nagpapadala ng email message.

Kasi kapag nakuha ng mga spammers ang email address ay puwede na dito magsimula naman ang mapag-aralan ang password ng email.

Yan lang po muna at talaga po na marami pang puwede gawin para mag-ingat.

Basta wag po kakalimutan na malawak ang Internet…hindi natin alam na may sumisilip pala sa ating email account…

Nasa atin din ang pag-iingat ng sariling bakuran…lalong-lalo na yung pagkatapos sumilip ay tuluyang ng papasok sa ating bahay o email account.

Talagang parang gubat kapag pumasok sa Internet…maganda talaga ang purpose ng Internet…kaya lang katulad ng kutsilyo…ang kutsilyo ay ginagamit sa ating pagluluto…kaya lang nagagamit ng iba ito sa masamang bagay.

Kung may nakita po kayong mali sa nasabi ko, ipakitama na lang po. Hindi po ako eksperto sa mga bagay na ito. Gusto ko lang po makatulong sa iba.

Kung gusto pa ninyong magbasa ng magandang article se email security na nabanggit din ni Prinsesa ng Drama. ( here )

Music trip sa Internet(Musikahan)

Di ko alam kung medyo nahuhuli na ako sa pagbibigay ng mga inpormasyon na ito.

Pero matagal ko na rin ginagamit ang mga sources ng music ko sa Internet.

Mahilig talaga ako sa music…di yata ako tatagal ng isang araw na walang music na naririnig. Ito talaga ang isang bisyo ko na nakalakihan na. Na mana ko  ito sa aking tatay,  dahil simula pa nung bata ako ay naririnig ko na ang mga cha-cha,  klasikal, Frank Sinatra, Nat King Cole, big band, ruben tagalog, mabuhay singers at marami pa…talagang pang matanda po. Kaya malawak  ang aking mga gustong musika. Pero mas lamang po sa akin ang musika ng 70′s & 80′s at jazz.

Picture of The Beatles courtesy of Wikipedia.

Naito ang list ng mga pinagkukuhanan ko ng music sa Internet.

1. Pandora Internet Radio (here)

Pandora radio is the personalized internet radio service that helps you find new music based on your old and current favorites.

2. Grooveshark (here)

Listen to any song in the world for free. Create free internet radio stations.

3. Last FM (here)

The world’s largest online music catalogue, with free music streaming, videos, pictures, lyrics, charts, artist biographies, concerts and internet radio.

Lahat po sila ay FREE…libre. Ang kailangan lang ay ang inyong email address para mag sign-up. Walang kailangan i-download kaya safe sa computer at wala silang mga spam messages sa email. Ang suggestion ko para mas lalong safe ay gamitin ang reserve(hindi iyong ginagamit sa regular ninyong email) ninyong email address para sa mga ganitong humihingi ng sign-up.

Nuong una ay masaya na ako sa Pandora. Makakagawa ka ng favorite mong station. Bahala na ang Pandora na gumawa ng selection ng songs na ang basehan ay ang mga favorite mong songs or artists.

Ang Last FM naman ay parang pareho ng Pandora. Ang gusto ko sa kanila ay nagbibigay sila ng mga write-ups tungkol sa mga artists.

Ang medyo kinalilibangan ko ngayon ay itong Grooveshark. Medyo simple lang . Ang ginagawa ko ay nakikinig na lang ako sa mga playlist ng mga iba. Puwede rin naman maggawa ng mga sariling playlist. At isa pang maganda ay maraming playlist na ginawa na ang mga Pinoy kaya maraming OPM songs.

Picture of Sitti courtesy of Wikipedia.

Kahapon ang pinakikinggan ko ay mga OPM songs…ngayon ay Beatles naman habang ginagawa ko itong article na ito.

Kung may napansin kayong mali sa aking paliwanag ay ipaki-tama po.

Sa may gusto magtanong ay sige lang po.

Sana mag-enjoy din kayo sa pakikinig ng inyong paboritong musikasa Internet.

- – - – - – - – - – - -

Ang susunod ko na isi-share ang pag-download naman mula sa youtube papunta sa hard disc ninyo para kahit naka-offline sa Internet ay puwedeng manuod ng video from your file at maganda ay tuloy-tuloy pa(di na pindot pa ng pindot sa youtube channel). Libre din po ito.

Ganito ka ba?

Pasensiya na po. This is my first sketch.

Nag-aaral pa pong mag-sketch.