From Blogging to Vlogging

mokup smartphone technology phone
Photo by freestocks.org on Pexels.com

Isang linggo na ang nakaraan at sumubok na rin ang inyong Lolo sa mundo ng vlogging.

Marami din ang preparasyon bago ipinanganak ang Youtube channel na ito. Maraming panonood at pakikinig ang aking ginawa na mula sa mga kakayanan ng mabubuting tao sa maraming video sa loob ng mundo ng Youtube.

Bakit bigla akong sinipag sa pagpasok sa vlogging?

Sa loob kasi ng apat na taon ay ginampanan ko ang tunay na Lolo at napakaraming videos ang aking naipon mula sa apo ko ay nasa tiyan pa ng kanyang ina hanggang sa pangkasalukuyan. kaya mula day 1 ng aking apo sa mundo na ito ay nagsimula ng gumiling ang mga kamera para sa katuwaan ng lahat. At dahil nga ang aking apo ay apat na taon na, muling nagkakaroon ng oras ang inyong Lolo sa paggamit ng computer, habang siya naman ay naglalaro ng kanyang mga laruan.

At isa pang dahilan ay naisip ko na mas mabuting sa youtube na ako magbuo ng parang journal ng buhay ng aking apo, kasi kung ano man ang mangyari sa mga digital files ko sa aking computer at telepono ay sigurado akong sa youtube ay puwede ko itong ipakilagay. Dahil sa malaking kompanya ang youtube(google) ay di nila pababayaan na basta ito mabubura o madidisgrasya.

apple blur business communication
Photo by Pixabay on Pexels.com

Isang linggo pa lamang ang aking youtube channel na ito…kaya parang baby na kailangang bantayan at alagaan ng maayos.

Dahil bago ako sa mundo ng vlogging ay baka may suhestiyon kayo para maging maganda at maayos din ang aking pagpasok sa mundo ng vlogging.

Maraming salamat sa inyong lahat. God bless!

Maraming salamat din sa mga dating kabloggers na napadaan at napabisita sa Blog ni Lolo…pasensiya na kayo kung ngayon ko lang kayo napasalamatan.

https://www.youtube.com/channel/UCKhOhN10-1vT-KzQT9VewJw/featured

Advertisements

Bagong Taon…2019 Na

two corona extra and san mig light beers on top of brown wooden plank near beach
Photo by Nicole Law on Pexels.com

2019 na at nais ko na muling magbalik sa pagsusulat at pagkukuwento.

Kay tagal din akong tumigil at sana patuloy na muli tayong magkakuwentuhan.

Halos sampung taon na ang nakaraan noong nagsimula akong magblog at unti-unti ng napatigil dahil sa kaabalahan sa pagiging Lolo ni superlolo. At sa ngayon ay malaki na si apo…makulit na pero siyempre nakakatuwa at nakakagiliw na kulit.

Maraming salamat sa mga napadaan sa aking mumunting bloghay.

Ano nga ba ang mga pinagkaabalahan ni superlolo maliban sa pagiging tunay na ‘Lolo’?

Nagpapaka-healthy at alam ninyo naman di mapigilan ang pagdagdag ng taon sa aking idad. Tuloy ang kain ng medyo healthy food, tuloy din ang exercise at di nakakalimot sa araw-araw na magpasalamat sa Maykapal ng kaloob na bagong-buhay.

Patuloy din ang pagbabasa sa internet ng mga bagong teknolohiya na nangyayari sa bawat sulok sa ating mundo. Ang laking bagay ng Youtube sa aking mga pag-aaral sa mga bagay-bagay na kailangang matutuhan…at halos kay dami nang nagtuturo. At dahil mahilig din ako sa musika ay tunay na ang daming nagsi-share ng kanilang mga talento.

view of city street
Photo by Pixabay on Pexels.com

At dahil naandito tayo sa Amerika…kailangan ay always ready pa rin sa mga skills na katulad ng pagiging electrician, tubero, karpentero at mekaniko. At dito naman nagagamit ang bagong teknolohiya katulad ng Youtube…isang tanong lang ng “How to…” ay kay rami ng kasagutan

grayscale photo of motorcycles and people
Photo by Denniz Futalan on Pexels.com

Halos ay nakakauwi rin ako nitong nakaraang dalawang taon sa Pilipinas pero kasama si apo. Kay dami kong napakasayang memories kapag nasa Pilipinas…tunay na the best.

O sige paalam muna…balik alaga muli kay apo.

Happy New Year and God bless you always!!!

 

Umaga Na Naman

Umaga na naman.

Ang hirap gumising…malamig kasi…hayy parang Baguio ang klima…masakit ang katawan sa magadamag na pagkabaluktot sa ilalim ng makapal na kumot…nakakatamad pero eto at naisipan ko muli na magsulat sa aking blog.

Kay tagal ko nang binalak bumalik sa pagsusulat pero buti naman at muli naman na sinipag ang aking mga daliri at isip. Kay dami nang nangyari sa aking buhay…kaya salamat sa Diyos at naandito pa rin ang Lolo. Sana ay magtuloy na muli ang aking sipag sa pagsusulat…pero pangalawa ay nagpapasalamat ako sa nagbabasa at napapadaan sa aking mumunting bloghay na ito…God bless you all always!

Hayyy buhay sabi nga ng mga tambay sa isang kanto sa Pinas…at dati rin ako isa sa mga tambay na iyon. Hayyy buhay….25 days na lang ay Pasko na…hayyy kay sarap maghintay sa pagdating ng Pasko 2017…ang sabi nga ng mga announcer sa radyo…sana daw ay araw-araw ay Pasko. Ummm sana nga pero parang mahirap din yata…pero alam ko na mabilis naman iyan kung di naman materyal ang pinag-uusapan…ang pagmamahalan at pagbibigayan ay sana araw-araw nga…di lang sa isang araw ng Pasko…ayyy kay saya ng paligid talaga.

Ang sabi din ng iba ay para lang sa mga bata ang Pasko….ayyy di ah…at dahil senior citizen na ako ay lalo akong umaasam ng masayang selebrasyon ng Pasko…pero kung sa isang bata ay laruan at candy(sabi nga sa isang kanta) ang nagpapasaya sa kanila…tingin ko sa isang Lolo ay masayang pagsasama ng isang lumalaking pamilya…at pagsasalo-salo sa masarap na kainang Pinoy…”Lolo iyong senior card po ninyo…ihanda na malapit na ang bayaran.”

Kababalik ko lang mula sa Pilipinas at tunay na super saya ng mga Pinoy sa kanilang paghahanda sa darating na Kapaskuhan. Iba talaga ang Pinoy…kahit may konting problema sa buhay sa pali-paligid ay di puwedeng maiwan sa Pasko at nakita ko ito sa kay dami ng tao sa mga Mall at lalo siguro kakapal ang mga taong namimili at kumakain sa papalapit na mga araw ng Pasko. Pero wala iyong traffic at siksikan sa mga Pinoy..masaya talaga sa Pinas at ang Paskong Pinoy.

16 days na lang ay simbang gabi na…hayyy nakaka-miss naman ang bibingka at puto-bungbong pagkatapos ng Misa.

O sige sana ay maging super saya ng paghahanda ng lahat sa darating na Kapaskuhan…saan man tayo sa panig ng mundo naroroon.

Kapag may Diyos ay may pag-asa!!

Merry Krismas and A Hapi New Year!!

God Bless You all always!!

Be Thankful

sf4withqoutes

“Let us rise up and be thankful, for if we didn’t learn a lot today, at least we learned a little, and if we didn’t learn a little, at least we didn’t get sick, and if we got sick, at least we didn’t die; so, let us all be thankful.”

Buddha